Ekspedisyen Bukit Jipun, Julau 20 – 21/03/2020

Ekspedisyen Bukit Jipun, Julau 20 – 21/03/2020

Matau menua ke sekali tu nya kitai ngelawa Tuchung Bukit Jipun, endur Kerubung Batu Pengaruh Bungai Nuing, endur Kumang datai maya orang nampuk. Nyadi tempat tu di Bukit Jipun, Engkeranji Entabai, Pakan.

Semina gambar pengias

Raban/Tanggung pengawa:

Langgur pejalai: Sehari semalam aja (20-21/03/2020 kena Hari lima & Hari enam)

  1. Tuai Pejalai: Johnny Anak Chuat( ari Pegari Iban Production)
  2. Tuai Piring: Jery Lenggir – Sebarang sapa bisi tanya pasal pekara miring, betanya ba iya

Chara ngelawa endur nya:

  1. Ari sarikei kira pejalai 1 jam 30 minit ngena kereta. Semua jalai tar magang. Mansa Pasar Pakan ngelawa ujung jalai ke Nanga Engkamop, udah nya terus sangkai ba sekula SK Nanga Entaih.
  2. Ari pengkalan pengetu kereta ba SK Nanga Entaih, kitai deka besambung ngena perau panjai kira 30 minit enti ai langkang, bebatak, ai chiru, nuju Rumah Bangom, Ng Bangkit Entabai endur bemalam.
Replika Tambai Orang Panggau – tau dibeli ari Jery Linggir ngagai sapa ke deka ngembuan nyadika reta diri

Atur penatai hari keterubah

  • Kira pukul 1.00 lemai mupuk ari sarikei tauka beranti ba pasar Pakan
  • Ari Pasar Pakan kitai ngelawa SK Nanga Entaih ngena kerita diri empu
  • Ari penyangkai, kitai ngena perau panjai ke rumah panjai. Kerita tinggal ba SK Nanga Entaih.
  • Dalam pejalai mudik, sangkai ba Batu tangga Kumang laban dipansa kitai mudik
  • Datai di pendai Rh Bangom kira dalam pukul 3.30 lemai, temuai ditiki ngena adat basa bansa Iban
  • Lemai nya bisi program BBQ serumpu/sampal ba tengah laman tauka ba kerangan pendai
Gambar ba Ulu Batang Kanyau, Kapuas. Semina pengias

Atur Program malam/lemai

  • Makai begelumu ba ruai
  • Pengerami malam, betabuh, ngajat dikena ngemandakka malam.
  • Randau sejarah menua, randau pejalai pagi siti ngelawa Bukit Jipun, Lubang Remaung, Tebiang Bunsu Telanjing
  • Ngirup malam

Atur hari penudi

  • Pukul 6 pagi niki punjung Bukit Jipun. Pengawa Miring dikemendar
  • Makai tengah hari pulai ari Bukit Jipun
  • Mulaika diri sepengudah makai tengah hari. Lubang remaung & Tebiang Bunsu Telanjing dilawa maya merau pulai ngili Ai Entabai.

Yuran/kos

Rm130 siku tubuh besai tuai. (umur 18 tahun ke atas), nembiak (17 tahun ke baruh) nya RM60.00

Yuran tu dikena mayar catar perau, kos makai ngirup, babi, manuk, upah bala berapi, upah orang nguluka kitai bejalai, pemeri/pampas bilik endur diau.

Ai bisa enda masuk ba bajet kitai. Di rumah panjai ai tuak gerempung bisi dijual. Bala raban diperansang meli tuak ba rumah panjai lalu nya deka mai reti ke besai ba sida serumah.

Pengias

Penerang tu empai penuh, empai tetap. Nya alai kami deka ‘update’ sebarang maya. Bisi ati deka enggau raban tu, WhatsApp ba 014 888 3247 -Richard Thias

Pengias

WhatsApp chat