Nyelak Baju

Berapa Rega Nyelak Baju?

Tu tanya ke pemadu suah diterima kami. Nya alai, manah bacha ambis penerang ditu awakka kita nemu silik agi.

Kami ENDA ULIH nentuka rega nyelak baju laban rega nya bepanggai ba;

  • bansa baju
  • pemesai grafik
  • pemayuh chura (colour)
  • print mua & belakang
  • kuantiti baju
  • Teknik chelak (printing method)
Gambar sketch/dero ari bala ke deka nyelak baju
Kami sketch baru ngena komputer lalu meri sadang ngagai kita sampai kita puas ati.

Nya alai enti kita deka nemu rega, kita MESTI nentuka desain dulu tauka meri kami chunto desain baju. Dero ba keretas dulu langkar (sketch). Send ngena WhatsApp ngagai kami. Udah nya baru rega iya temu. Tauka kita meda rega-rega baju ba galeri dalam laman web tu

Chulik enti ka ngelawa galeri baju

Ni Pengelama Nyelak Baju?

Penyampat print baju mega bepanggai ba kuantiti oder. Enti baruh ari 20 iti, kira sejam – 3 jam aja laban kami ngena teknik
VINYL HEAT PRESS

Enti lebih 20 iti, kami ngena teknik SILKSCREEN lalu baju siap entara 3 – 14 hari bepanggai ba kuantiti mega.

Rega ngena teknik Vynil Heat Press. Semina desain ke simpel-simpel aja lalu maksimum 19 iti ulih print ngena teknik tu. Baju mar agi, tang pengelebih iya, baju ulih print tekala nya. 5 ngagai 10 minit aja.
Rega baju enti print ngena teknik SILKSCREEN. Minimum 20 iti baju. Ngena teknik tu enda ulih print tekala nya. Ngambi awak 7 ngagai 14 hari tang rega murah. Makin mayuh print makin murah.

Ulih Kita Ngaga Desain & Berapa Chas?

Ulih, enti enda kelalu komplikated. Dero sketch desain kita ba keretas. Senip lalu WhatsApp ngagai kami. Udah nya kami ngaga sketch baru ngena komputer lalu ngasuh kita meda dulu sketch kami. Kita mega tau ngena desain ke endang udah bisi ba kami. Kami ngaga design enda bebayar, anang irau, taja pan kita enda print ba kami, enda ngawa. Anggap mih nya tulung kami ngagai kita.

INGAT? Kami enda nerima sepil Iban ti salah enti deka nyelak leka jaku ba banner tauka baju laban kami nyaga nama syarikat kami. Enti sepil Iban kita salah, lalu kita enggai nerima sepil ke udah dikemetulka kami, kami enda ulih nyelak baju/banner kita!

Semua desain ke diambi ari syarikat nyelak baju ke bukai mesti diubah enti ka print ba kami

Chulik terus WhatsApp kami

Kati Chara Nyelak Baju & Rega Baju?

Di baruh tu kami semina mantaika sekeda ari teknik nyelak baju lalu 3 iti nya teknik ke suah agi dikena kami.

  • Vynil Heat Press – Dikena print baju ke kurang ari 20 iti. Rega materials kena print tu mar tang baju ulih print tekala nya. Siti baju ulih gaga dalam awak 5 – 10 minit aja. Taja pia, ngena teknik tu baju enda ulih mayuh chura/colour. Chulik.
  • Transfer Paper Heat Press – Dikena print gambar/logo lalu lekatka ba baju. Teknik tu enda tentu tan lama ba baju. Chulik.
  • Silkscreen – Dikena print baju ke lebih ari 20 iti. Ulih mayuh chura/colour. Ngena teknik tu ulih murah tang enti mimit aja print, iya nyadi mar laban silkscreen tu begunaka blok enggau skrin alus. Siti chura siti skrin. Nya kebuah kami enda nguna teknik tu enti order kurang ari 20 iti. Chulik.
  • 3D Sublimation – Tu mega chara ginti (changgih). Ngena teknik tu gambar pemadu terang, ulih apus baju print tang mega mar. Chulik.
    DTG (Direct To Garment), HD Print (High Definition), Vynil Print/Cut & Heat Press enggau mayuh agi ke bukai.

Baka Ni Sais & Kualiti Baju

Standard baju nya 160GSM penebal, 100% cotton. Brand baju kami ngena mayuh macam tang kualiti sebaka. Enti kita deka ngena baju ke lain agi kualiti, tau madah ngagai kami.

This image has an empty alt attribute; its file name is size_microfibre.jpg

Kelimpah ari ba galeri dalam laman web tu, sekeda ari chunto baju ke udah digaga kami tau peda ba album tauka timeline Facebook kami

Meda galeri baju

Desain-desain kami ke bukai tau peda ba album sereta timeline Facebook kami.


WhatsApp chat