Matau Menua (CHULIK DITU)
Pejalai 3D2N tu berengkah ari pasar Lubok Antu, pukul 1.00 lemai, 15hb Ogos 2019. Sapa ke jauh, malam 14/8 kita tau bemalam ba hotel di Lubok Antu tauka ba Betong/Sri Aman.
Ungkus pejalai Matau Menua ke sekali tu iya nya RM440.00 siku tubuh lalu nembiak ke baruh ari 10 taun nya RM350.00. Pejalai tu nya ‘cost sharing’ lalu anang enda macha ambis penerang ditu awakka sama bela nemu tunga pejalai ngena belanja ngenyampau nya. Enti duit ungkus pejalai kin nya bisi laluh, laluh nya deka dipulaika baru ngagai semua raban. Taja pia, kami admin nguji enggau naka alah ngaduka bajet enggau ungkus ke betul.
Lemai 14/8, ngagai sapa ke deka enggau BBQ ikan tilapia ba rumah melepu ba Batang Ai Dam, tau datai tumu ngagai pengkalan Batang Ai. BBQ start pukul 4.00 lemai. BBQ tu kitai ngaga ‘collection’ RM20.00 siku tubuh laban tu nadai masuk ba package matau menua. Bayar tu dikena meli ikan & meri pampas orang ke ngambi/nganjung kitai ngena perau.
Penyampau tubuh bisi ikas, enda lebih ari 40 iku awakka nyamai diatur. Package tu ‘First Come First Serve Basis’ lalu sapa ke dulu mayar deposit RM150.00 deka dulu masuk ba lis. Duit deposit deka dipulaika baru enti sema enda nyadi enggau** (madah sebedau 4/8)
Pejalai tu ngena kerita diri empu. Tau bekunsi, mai bala bakih awakka lempung agi besaup meli minyak. Nadai milih bansa kerita, kerita mit baka Viva, Kancil, Myvi pan ulih.
Utai ke MESTI dibai nya PASSPORT & Copy Green Card kerita. Ingat, ai bisa enda tau dibai ke Indonesia!
Pejalai tu berengkah ari pasar Lubok Antu. Semua raban MESTI begelumu ba terminal bas Lubok Antu pukul 1.00 lemai, 15 Ogos 2019. Sapa ke jauh, malam 14/8 kita tau bemalam ba hotel di Lubok Antu tauka ba Betong/Sri Aman.
Proses ngechop passport nya dipelabaka lebih 2 jam laban kerita & barang/beg diperesa enggau silik ba kastam Badau, Indonesia. Pengudah semua kerita pansut ke sepiak Indonesia, kitai ngetu laban kami admin deka meri ‘briefing’ pasal pejalai (safety) awakka pejalai kitai likun.
Pejalai beraban ngena kerita ari Badau ngagai Sungai Utik kira 2 jam. Kitai bisi ngetu ba tugu (replika) Temenggung Simpi di Desa Seriang kira setengah jam alai admin nerangka sapa Temenggung Simpi ke bendar.
Silik pasal sapa Temenggung Simpi, CHULIK DITU
Angkat ari nya kitai neruska pejalai lalu ngetu baru ba Bukit Lanjak, ninjau rampa Danau Sentarum ari Bukit Lanjak. Danau Sentarum nadai ai enti musin kemarau lalu ulih alai mai kerita tauka motosikal.
Pengudah nya kitai ngetu ba jematan ai Lebuyan ke suah disebut ba jerita tuai. Tuai Iban ke benama Bantin (Ijau Lelayang) mati tuai di Lebuyan. Iya nya siku ari Iban ke penudi iya ngelaban Rajah Sarawak ti ke 3 maya ‘Cholera Expedition’ tauka ‘Kayau Buntu’, iya nya Charles Vyner Brooke (anak Charles Brooke) ke merintah Sarawak ari taun 1917 ngagai 1946.
Dalam taun 1909 Bantin pindah ke Lebuyan, kena pegai menua Indonesia ke diatu. Iya parai tuai di Lebuyan dalam taun 1932 sereta dilumbung peturun iya din. Baka Ngumbang (Berauh Langit), Bantin mega dipelabaka Iban mati nyadi ular nabau laban iya pan tulung orang Panggau.
Silik agi pasal Bantin Ijau Lelayang, CHULIK DITU
Udah nya kitai lalu neruska pejalai ke rumah panjai Sungai Utik. Kitai lalu disambut enggau adat budaya. Bilik alai kitai diau, alai mandi & begari endang udah diatur magang. Lemai/malam nya kitai beperindang enggau main asal kelimpah ari ti randau ruai sereta bekelala enggau bala di Sungai Utik.
Pengudah ngirup pagi ba Sungai Utik, kira pukul 9.00 pagi kitai mupuk baru nikal ngagai Dusun Sadap ba Batang Kanyau. Kitai deka disambut enggau penuh adat budaya. Ditu kitai milih tuai kitai manchak babi sebedau niki. Baka ba Sungai Utik mega, bilik alai begari, alai diau endang udah diatur sida serumah.
Pengudah merarau tengahari nya, kitai belelak tauka randau ruai aja. Nyau ngalih hari kira pukul 2 lemai, kitai semua nyengkaum sida serumah bela sampal nurun BBQ ba kerangan pendai sida. Sapa ke deka mandi, tau mandi ai Batang Kanyau. Taja pia, pengawa BBQ deka diatur ba tengah laman enti maya nya ai bah/besai nadai kerangan lalu bala kitai ditagang mandi ba ai Batang Kanyau.
Malam nya kitai randau ruai sereta beperindang enggau main asal dikena ngibun malam.
Pagi siti udah ngirup pagi, (ngagai sapa ke deka enggau), kitai mupuk ngena perau ngagai Pulau Ensulit. Pejalai ngena perau kira 20 minit. Taja pia, enti ai bah/besai, kitai enda ulih kin. Pulau Ensulit tu iya nya tembawai alai Temenggung Koh ada.
Pulai ari Pulau Ensulit, kitai mupuk pulai nuju pasar Lanjak. Makai tengahari bedau temu dini. Enti laun datai ari Pulau Ensulit, kitai makai merarau dulu ba Dusun Sadap.
Ba Pasar Lanjak kitai terus nuju pengkalan. (Optional). Ari pengkalan kitai ngena speed boat meda rampa Danau Sentarum. Danau Sentarum tu langkang maya hari kemarau lalu ulih alai belumba kerita! Ikan mega mayuh sebelah lupak/sungai ke agi bisi ai.
Ba Danau Sentarum kitai ngelawa Pulau Melayu, Bukit Tekenang, Nanga Leboyan tauka tempat-tempat bukai nitihka peneka bala. Ba Pulau Melayu mayuh bejual ikan masin & salai ikan. Pulau Melayu nadai orang nguan tang mayuh sejarah kelia.
Opsss….. sehari dua tu aku nampung baru pasal pejalai tu. Ngetu dulu…… Enti bisi utai tanya, WhatsApp kami, Chulik logo WhatsApp ke bisi ayan ba skrin telefon binching nuan. Mayuh agi gambar pejalai ngagai Kapuas Hulu tau dipeda ba Facebook ‘Raban Matau Rampa Borneo’. Kita tau ngiga page nya ba Facebook lalu join grup nya.
Ngagai kita ke deka enggau trip bulan 8 tu, kita tau mega JOIN WhatsApp group, CHULIK DITU
